బడ్జెట్ క్యారియర్ ఫ్లై దుబాయ్, జూన్ 4వ తేదీ వరకు ప్రయాణీకుల విమానాల రద్దుని పొడిగించినట్లు వెల్లడించింది. కరోనా వైరస్ నేపథ్యంలో ఈ నిర్ణయం తీసుకున్నారు. ప్రభుత్వం నుంచి 90 స్పెషల్ రీపాట్రియేషన్ విమానాలు నడిపేందుకు అనుమతి వచ్చిందనీ, అయితే ప్రభుత్వ సూచనల మేరకే వాటిని నడుపుతామని పేర్కొంది. ఇప్పటికే 12,532 మంది ప్రయాణీకుల్ని 19 దేశాలకు తరలించడం జరిగింది. ఆప్ఘనిస్తాన్, అజర్ బైజాన్, బంగ్లాదేశ్, క్రొయేషియా, ఈజిప్ట్, సుడాన్, సోమాలియాలాండ్, థాయిలాండ్, జార్జియా, ఇరాన్, ఇరాక్, కువైట్, కిర్గిస్తాన్, మయన్మార్, పాకిస్తాన్, రొమేనియా, రష్యా, సెర్బియా మరియు యూకేలకు విమానాలు నడిపారు. కాగా, 276 కార్గో విమానాల్ని కూడా 26 డెస్టినేషన్ లకు నడపడం జరిగింది.