దుబాయ్:రోడ్లపై నిర్లక్ష్యంగా డ్రైవింగ్ చేస్తూ ప్రాణాపాయ స్టంట్లు చేసిన వ్యక్తిని దుబాయ్ పోలీసులు అరెస్ట్ చేశారు. పట్టపగలు నడిరోడ్డుపై ప్రమాదకరంగా స్టంట్స్ చేసిన సదరు డ్రైవర్ వీడియో సోషల్ మీడియాలో పోస్ట్ చేశారు. అయితే..ఆ వీడియో వైరల్ గా మారటంతో విషయం కాస్తా పోలీసుల వరకు వెళ్లింది. దీంతో ఫూటేజ్ ను పరిశీలించిన పోలీసులు వాహనం నడిపిన వ్యక్తి వివరాలను సేకరించి అతన్ని అదుపులోకి తీసుకున్నారు. నిర్లక్ష్యపూరితంగా డ్రైవింగ్ చేయటంతో పాటు..ఎదుటి వ్యక్తులకు ప్రమాదకరంగా వ్యవహరించనందుకుగాను అతన్ని పోలీసులు అరెస్ట్ చేశారు.