మస్కట్:ఒమన్ లోని ప్రవాసీయులకు ప్రభుత్వం ఉచిత చికిత్స అందించనున్నట్లు జరుగుతున్న ప్రచారంపై ఒమన్ ప్రభుత్వం స్పష్టతనిచ్చింది. బెంగాలీలో ఉన్న ఫేస్ బుక్ ఫేజీతో సహా పలు సామాజిక మాధ్యమాల్లో ఇటీవల ఉచిత చికిత్సపై అసత్య ప్రచారం జరుగుతోంది. ప్రవాసీయుల వైద్య ఖర్చులను ప్రభుత్వమే భరిస్తుందని అపోహలు సృష్టించేలా సోషల్ మీడియాలో కొందరు పోస్ట్ లు పెడుతున్నట్లు ఒమన్ ప్రభుత్వం దృష్టికి వచ్చింది. దీంతో అప్రమత్తమైన ఆరోగ్యమంత్రిత్వ శాఖ సామాజిక మాధ్యమాల్లో జరుగుతున్న ప్రచారంపై క్లారిటీ ఇస్తూ ఓ ప్రకటన విడుదల చేసింది. ప్రవాసీయులకు అయ్యే వైద్య ఖర్చులను ప్రభుత్వమే భరిస్తుందనే అంశాన్ని కొందరు తప్పుగా అర్ధం చేసుకున్నారని..ప్రభుత్వం వైద్య ఖర్చులను భరించబోదని స్పష్టం చేసింది. అయితే..ప్రవాసీయులకు స్పాన్సర్స్ ఉంటే..వారి వైద్య ఖర్చులన్నింటిని స్పాన్సర్స్ భరిస్తారని, అలాగే ప్రవాసీయులకు ఇన్సూరెన్స్ ఉంటే..ఇన్సూరెన్స్ కంపెనీలు ట్రీట్మెంట్ ఖర్చులను భరిస్తాయని వైద్య ఆరోగ్య శాఖ వెల్లడించింది. 

--లెనిన్ కుమార్(మాగల్ఫ్ ప్రతినిధి,ఒమన్)