మస్కట్‌: 100 మందికి పైగా ఖైదీలు ఫక్‌ కుర్బా ఇనీషియేటివ్‌ ద్వారా విడుదలయ్యారు. రమదాన్‌ మూడో వారంలో వీరందరూ విడుదలయ్యారు. ఫక్‌ కుర్బా మూడో వారం నేపథ్యంలో 195 కేసుల విడుదల జరిగిందనీ, వారికి సంబంధించిన ఫైనాన్షియల్‌ క్లెయిమ్స్ ని క్లియర్‌ చేయడం ద్వారా ఇది సాధ్మయ్యిందనీ, మొత్తంగా ఇప్పటిదాకా 486 మందిని విడుదల చేశామనీ ఓ ప్రకటనలో పేర్కొన్నారు అధికారులు. మస్కట్‌ గవర్నరేట్‌లో 77 కేసులు, దోఫార్‌లో 38 కేసులు, అల్‌ దఖ్లియాలో 18, సౌత్‌ అల్‌ షర్కియాలో 17, సౌత్‌ అల్‌ బతినాలో 16, నార్త్‌ అల్‌ బతినాలో 12, అల్‌ షర్కియాలో 5, అల్‌ దహిరాహ్‌లో 4 కేసులు వున్నాయి. బురైమి, వుస్తా గవర్నరేట్స్‌లో రెండేసి చొప్పున కేసులున్నాయి.