కరోనా వైరస్‌ విసిరిన పంజాకు ప్రపంచ దేశాలు విలవిలలాడుతున్నాయి. ఇప్పటికే ఈ వైరస్‌ బారిన పడ్డ వారి సంఖ్య 48 లక్షల 90 వేలకు చేరింది.  3 లక్షల 19 వేల మంది కరోనాకు బలయ్యారు. 17 లక్షల 70 వేల మంది కరోనా నుంచి కోలుకుని ఇళ్లకు చేరుకున్నారు. ప్రస్తుతం  26 లక్షల 69 వేల యాక్టీవ్ కేసులు ఉన్నాయి. అమెరికాలో కేసుల సంఖ్య 15 లక్షల 44 వేలు దాటింది. అక్కడ మొత్తంగా మరణాల సంఖ్య లక్షకు చేరువలో ఉంది. రష్యాలోనూ కరోనా విజృంభణ కొనసాగుతోంది. అక్కడ కేసుల సంఖ్య 3 లక్షలకు చేరువలో ఉండగా..  2 వేల ఏడు వందల మంది కరోనాకు బలయ్యారు.