రియాద్‌: ఉబెర్‌ సంస్థ, ఉబెర్‌ మెడిక్స్‌ని సౌదీ అరేబియాలో ప్రారంభిస్తున్నట్లు వెల్లడించింది. కరోనా వైరస్‌ నేపథ్యంలో హెల్త్‌ కేర్‌ వర్కర్స్‌కి డిస్కౌంటెడ్‌ ట్రిప్స్ అందిస్తున్నట్లు పేర్కొంది ఉబెర్‌ సంస్థ. రియాద్‌, జెడ్డా అలాగే ఈస్ట్ ప్రావిన్స్‌లోని హెన్త కేర్‌ వర్కర్స్‌, తమ ఉబెర్‌ ట్రిప్స్‌ ద్వారా 25 శాతం డిస్కౌంట్‌ పొందవచ్చు. ఉబెర్‌ మెడిక్స్‌ ద్వారా సేఫ్‌గా గమ్యస్థానం చేరుకోవచ్చని ఈ సందర్భంగా సంస్థ పేర్కొంది. ఉబెర్‌ సంస్థకి సౌదీ అరేబియా జనరల్‌ మేనేజర్‌ అయిన మొహమ్మద్‌ గజాజ్‌ మాట్లాడుతూ, ఇంటింటికీ వెళ్ళి సేవలు అందిస్తోన్న హెల్త్‌ కేర్‌ వర్కర్స్‌ పాత్ర చాలా ముఖ్యమైదనీ, ఈ నేపథ్యంలో వారికి డిస్కౌంట్‌తోపాటు భద్రతతో కూడిన ప్రయాణాన్ని తాము అందిస్తున్నామని చెప్పారు. కరోనా వైరస్‌ వ్యాప్తిని అడ్డుకునే క్రమంలో తమవంతుగా పలు కార్యక్రమాలు చేపడుతున్నట్లు ఆయన వివరించారు.