మనామా:బహ్రెయిన్ పోలీసులు అసియా దేశాలకు చెందిన ఇద్దరిని అరెస్ట్ చేశారు. అసియా దేశాలకే చెందిన నలుగురు మహిళలను బంధించి..వారిని అసభ్య కార్యాకలాపాల్లో పాల్గొనాల్సిందిగా వేధిస్తున్నారనే ఫిర్యాదుతో ఆ ఇద్దరిని అరెస్ట్ చేసి న్యాయ విచారణకు తరలించారు. నేరపరిశోధన, ఫోరెన్సిక్ సైన్స్ విభాగం డీజీ బ్రిగేడియర్ అబ్ధల్లాజీజ్ అల్ రుమైహి తెలిపిన వివరాల ప్రకారం..అసియా దేశాలకు చెందిన రాయబార కార్యాలయం నుంచి తమకు సమాచారం అందిన 12 నిమిషాల్లోనే చర్యలు తీసుకున్నామన్నారు. బాధితులు ఉన్న ప్రాంతానికి వెళ్లి నలుగురు మహిళలను విడిపించటంతో పాటు..నిందితులను అరెస్ట్ చేసినట్లు వెల్లడించారు. ఇదిలాఉంటే మరో కేసులో ఇద్దరు అసియన్లను అరెస్ట్ చేసినట్లు పోలీసులు తెలిపారు. గుదైబియా ప్రాంతంలో నకిలీ మద్యం తయారు చేస్తున్నందుకు వారిని అరెస్ట్ చేసినట్లు వెల్లడించారు. మద్యం తయారు చేసే పరికరాలను స్వాధీనం చేసుకున్నామన్నారు.