జెడ్డా: సౌదీ అరేబియా, గురువారం నుంచి కోవిడ్‌19 లాక్‌డౌన్‌లో కొన్ని సడలింపులు ఇవ్వనుంది. అయితే, వెంటనే ఎక్కువ సడలింపులు ఆశించవద్దనీ క్రమక్రమంగా మాత్రమే సడలింపులు వుంటాయని హెల్త్‌ మినిస్టర్‌ డాక్టర్‌ తావ్‌ఫిక్‌ అల్‌ రబియా చెప్పారు. గురువారం ఓ ఫేజ్‌లోంచి ఇంకో ఫేజ్‌లోకి వెళ్ళబోతున్నామని ఈ సందర్భంగా ఆయన వివరించారు. సోషల్‌ డిస్టెన్సింగ్‌ మాత్రం ఖచ్చితంగా పాటించాల్సిందేనని ఆయన సూచించారు. వ్యక్తిగత పరిశుభ్రత చాలా ముఖ్యమని అన్నారాయన. ఈ విపత్కర పరిస్థితుల్లో దేశ ప్రజలంతా ఒక్కటై ప్రభుత్వానికి అండగా నిలిచినందుకు మినిస్టర్‌ ప్రతి ఒక్కరికీ పేరు పేరునా కృతజ్ఞతలు తెలిపారు. దేశంలో మొత్తం కరోనా కేసుల సంఖ్య 74,795గా వుంది. వీటిల్లో 28,728 యాక్టివ్‌ కేసులు కాగా, 45,668 మంది కోలుకున్నారు. మొత్తం 399 మంది దేశంలో కరోనాతో మృతి చెందారు.