ఐకానిక్‌ షార్జా సెంట్రల్‌ సౌక్‌లో అగ్ని ప్రమాదం చోటు చేసుకుంది. అయితే, రికార్డు సమయంలో మంటల్ని అదుపు చేసినట్లు మునిసిపాలిటీ ప్రకటించింది. సెంట్రల్‌ సౌక్‌లోని ఓ ఫుడ్‌ మరియు బెవరేజ్‌ ఔట్‌లెట్‌లో చిన్నపాటి అగ్ని ప్రమాదం సంభవించిందని షార్జా సిటీ మునిసిపాలిటీ పేర్కొంది. సకాలంలో స్పందించడంతో మంటలు వెంటనే అదుపులోకి వచ్చినట్లు తెలిపారు అధికారులు. ప్రమాదం జరిగిన వెంటనే షాపర్స్‌ మరియు షాప్‌ ఓనర్స్‌ ఆ ప్రాంతం నుంచి తరలించబడ్డారు. కేవలం 15 నిమిషాల్లోనే మంటల్ని ఫైర్‌ ఫైటర్స్‌ అదుపు చేశారు. ఈ ఘటనలో ఎవరికీ ఎలాంటి గాయాలూ కాలేదు.