ఒమన్:ఒమన్ లో భారీ వర్షాలు కురియటంతో ఒకరు మృతి చెందారు. మరొకరు గల్లంతయ్యారు. దోఫర్ గవర్నరేట్ పరిధిలో ఈ ఘటన చోటు చేసుకుంది. వర్షాల కారణంగా ఎయిన్ రజాత్ లో నీటి ప్రవాహం ఒక్కసారిగా పెరిగిపోవటంతో ఈ ప్రమాదం చోటు చేసుకుంది. గల్లంతైన మరో వ్యక్తి కోసం రాయల్ ఒమన్ పోలీసులు గాలింపు చర్యలను కొనసాగిస్తున్నారు. సివిల్ డిఫెన్స్ కు చెందిన పబ్లిక్ అథారిటీ అధికారులు తెలిపిన వివరాల ప్రకారం.. నీటి ప్రవాహంలో ఏడుగురు వ్యక్తులు చిక్కుకున్నారు. అయితే..అందులోఐదుగురిని రక్షించగా..మరో ఇద్దరు మాత్రం నీటి ప్రవాహంలో కొట్టుకుపోయారు. గాలింపు చర్యలు చేపట్టిన పోలీసులు ఓ వ్యక్తి మృతదేహాన్ని కనుగొన్నారు. మరో వ్యక్తి ఆచూకీ మాత్రం ఇంకా తెలియాల్సి ఉంది.