కువైట్‌ సిటీ: పెద్ద సంఖ్యలో భారత కమ్యూనిటీకి చెందిన పలువురు కువైట్‌ అంతర్జాతీయ విమానాశ్రయం భవనం వద్ద గల పార్కింగ్‌ లాట్‌లో నిరాశతో కన్పించారు. స్వదేశానికి వెళ్ళేందుకు వీరంతా ఇండియన్‌ ఎంబసీ సూచించిన విధంగా రిజిస్టర్‌ చేసుకున్నప్పటికీ, డిపాచ్యూర్‌ లిస్ట్‌లో చాలామంది పేర్లు కన్పించలేదు. దాంతో వారంతా నిరాశ చెందారు. కాన్సులేట్‌ జనరల్‌ తమ సమస్యకు పరిష్కారం చూపాలంటూ భారతీయ కమ్యూనిటీకి చెందిన పలువురు ఈ సందర్భంగా విజ్ఞప్తి చేశారు. కాగా, భారత ప్రభుత్వం, భారతీయులు స్వదేశానికి వచ్చేందుకోసం ఇండియన్‌ కాన్సులేట్‌లో రిజిస్టర్‌ చేసుకోవాలని సూచించిన విషయం విదితమే. కరోనా వైరస్‌ నేపథ్యంలో వివిధ దేశాల్లో చిక్కుకుపోయినవారిని స్వదేశానికి రప్పించేందుకు కేంద్రం తగు చర్యలు చేపడుతోంది.

--దివాకర్(మాగల్ఫ్ ప్రతినిధి,కువైట్)