చెన్నైలో ఇటీవల జరిగిన వైద్య విద్యార్థుల ఆత్మహత్యలను నిరసిస్తూ ఓ యువకుడు గణతంత్ర దినోత్సవం నాడు జాతీయ జెండాను తగలబెట్టాడు. అంతటితో ఆగకుండా ఆ ఫొటోలను సోషల్‌ మీడియాలో పోస్ట్‌ చేశాడు. పోలీసులు అతడిని అరెస్టు చేశారు. చెన్నైకి చెందిన దిలీపన్‌ అనే యువకుడు మెడికోలు, హైదరాబాద్‌లో రోహిత్‌ వేముల ఆత్మహత్యల విషయంలో వెంటనే చర్య తీసుకోవాలంటూ జాతీయ జెండాను తగలబెట్టాడు. ఈ ఫొటోలు కాస్తా సోషల్‌ మీడియాలో వైరల్‌ కావడంతో నెటిజన్లు పెద్ద ఎత్తున నిరసన వ్యక్తం చేశారు. అతనిపై కఠిన చర్యలు తీసుకోవాలంటూ ఓ ప్రైవేట్‌ ఎయిర్‌లైన్స్‌ పైలట్‌ పోలీసులకు ఫిర్యాదు చేశాడు. దీంతో దిలీపన్‌ పోస్ట్‌ చేసిన ఫొటోలు తొలగించాడు. పోలీసులు అతని కోసం గాలించి చివరికి అరెస్ట్‌ చేశారు. తమిళ జాతీయవాది అయిన దిలీపన్‌ అరెస్ట్‌ మరో ఆందోళనకు తెరతీసింది. కొందరు అతని అరెస్టును వ్యతిరేకిస్తూ జాతీయ జెండాను అవమానపరిచినప్పుడు పోలీసులు ఏం చేస్తున్నారంటూ ప్రశ్నిస్తున్నారు. మరో పక్క అతని మీద ఫిర్యాదు చేసినవాళ్లేమో కఠిన చర్యలు తీసుకోవాలని, ఇకముందు ఎవరూ ఇలాంటి ఘటనలకు పాల్పడకుండా చూడాలని డిమాండ్‌ చేస్తున్నారు.