మనామా: బహ్రెయినీ పోలీస్‌, ముగ్గురు బహ్రెయినీ వ్యక్తుల్ని అరెస్ట్‌ చేయడం జరిగింది. సల్మాబాద్‌ టౌన్‌లోని ఓ పెట్రోల్‌ స్టేషన్‌లో నిందితులు దొంగతనానికి పాల్పడినట్లు అధికారులు తెలిపారు. స్టేషన్‌లో ఓ వర్కర్‌ని కొట్టి, కట్టి పడేశారనీ, అనంతరం దోపిడీకి పాల్పడ్డారని పోలీసులు వివరించారు. ఈ ఘటనకు సంబంధించి ఫిర్యాదు రాగానే, రీసెర్చ్‌ అండ్‌ ఇన్వెస్టిగేషన్‌ ప్రారంభించామనీ, అనుమానితుల్ని గుర్తించి, వారి నుంచి సొమ్ము స్వాధీనం చేసుకున్నామని అధికారులు పేర్కొన్నారు. నిందితులపై చట్టపరమైన చర్యలు తీసుకోనున్నట్లు నార్తరన్‌ గవర్నరేట్‌ పోలీస్‌ డైరెక్టర్‌ జనరల్‌ చెప్పారు.