దుబాయ్:కరోనా వైరస్ పై పోరాటంలో భాగంగా ఇసాద్ కార్డు దారులకు ఉచితంగా మందుల పంపిణి చేస్తున్నట్లు దుబాయ్ పోలీసులు వెల్లడించారు. గుర్తించబడిన అధికారుల పర్యవేక్షణలో ఈ కార్యక్రమం నిర్వహిస్తున్నట్లు తెలిపారు. కార్డుదారులకు ఉచితంగా మందుల సరఫరా చేసేందుకు వీలుగా ఫార్మసీ కంపెనీలతో సహకారం తీసుకుంటున్నట్లు వివరించారు. అల్ హెక్మా ఫార్మసీ, బిన్ సినా ఫార్మసీ, మక్కా ఫార్మసీ, హెల్త్ ఫస్ట్ ఫార్మసీ, మెడిసినా ఫార్మసీలకు చెందిన ఫార్మసీ బ్రాంచులకు ఫోన్ చేసి నేరుగా ఇంటికే మందులను తెప్పించుకునే అవకాశం కల్పించారు.