కువైట్: మినిస్టర్‌ ఆఫ్‌ స్టేట్‌ ఫర్‌ సర్వీసెస్‌ ఎఫైర్స్‌ మరియు మినిస్టర్‌ ఆఫ్‌ స్టేట్‌ ఫర్‌ నేషనల్‌ అసెంబ్లీ ఎఫైర్స్‌ ముబారక్‌ అల్‌ హారిస్‌ మాట్లాడుతూ, కమర్షియల్‌ విమానాల పునఃప్రారంభం కోసం మూడు ఫేజ్‌లతో కూడిన విధానాన్ని డైరెక్టర్‌ జనరల్‌ ఆఫ్‌ సివిల్‌ ఏవియేషన్‌ సిద్ధం చేసినట్లు తెలిపారు. డిజిసిఎ అధికారులతో సమావేశం సందర్భంగా మినిస్టర్‌ మాట్లాడుతూ, కువైట్‌ అంతర్జాతీయ విమానాశ్రయం, తొలి స్టేజ్‌లో తన సామర్థ్యంలో 30 శాతం మేర విధులు నిర్వర్తిస్తుందని చెప్పారు. రెండో స్టేజ్‌లో 60 శాతం సామర్థ్యానికి పెంచుతారు. మూడో స్టేజ్‌లో పూర్తి సామర్థ్యానికి చేరుకుంటారు. క్యాబినెట్‌ నిర్ణయాలకు అనుగుణంగా డిజిసిఎ పెర్‌ఫెక్ట్‌ ప్లాన్‌ రెడీ చేసిందని మినిస్టర్‌ పునరుద్ఘాటించారు. కరోనా వైరస్‌ నేపథ్యంలో అన్ని జాగ్రత్తలూ తీసుకుంటున్నట్లు వివరించారు.