మనామా:ఓ బహ్రెయినీ వ్యక్తికి న్యాయస్థానం మూడు నెలల జైలు శిక్ష విధించింది. నిందితుడు రెక్లెస్‌ డ్రైవింగ్‌కి పాల్పడినట్లు అభియోగాలు మోపబడ్డాయి. నాలుగవ మైనర్‌ క్రిమినల్‌ కోర్ట్‌ నిందితుడికి మూడు నెలల జైలు శిక్షతోపాటుగా 720 బహ్రెయినీ దినార్స్‌ జరీమానా కూడా విధించడం జరిగింది. బుడైయా హైవేపై తన వాహనాన్ని నిందితుడు ప్రమాదకరమైన రీతిలో నడిపినట్లు తేలింది. మే 28న నిందితుడ్ని అరెస్ట్‌ చేశారు. కాగా, నిందితుడి డ్రైవింగ్‌ లైసెన్స్‌ని రద్దు చేయాలని కూడా న్యాయస్థానం ఆదేశించింది. అల్‌ కాదాం విలేజ్‌ దగ్గరలో నిందితుడు ప్రమాదకర స్టంట్స్‌ చేశాడు. నిందితుడు తన వాహనాన్ని నెంబర్‌ ప్లేట్‌ కూడా లేకుండా నడిపినట్లు అధికారులు పేర్కొన్నారు. విచారణలో నిందితుడు తన నేరాన్ని అంగీకరించాడు.