ప్రముఖ ఓటిటి ప్లాట్ఫారం అమెజాన్ ప్రైమ్ వీడియో వారు డైరెక్ట్ టూ రిలీజ్ స్లాట్ లో స్టార్ హీరోయిన్ కీర్తి సురేష్ నటించిన పెంగ్విన్ సినిమాను జూన్ 19న రిలీజ్ చేస్తున్నారు. అమెజాన్ ప్రైమ్ వీడియో సబ్స్క్రైబర్స్ అంతా ఈ సినిమాను ఎక్సక్లూసివ్ గా ఈ ప్లాట్ ఫామ్ పై వీక్షించవచ్చు. ఈ నేపథ్యంలో ఇటీవలే పెంగ్విన్ టీజర్ ని అమెజాన్ వారు రిలీజ్ చేసిన సంగతి తెలిసిందే. ఈ టీజర్ కి అనూహ్యమైన స్పందన రావడం తో తాజాగా అమెజాన్ వారు ట్రైలర్ ని సిద్ధం చేశారు.  ఈ ట్రైలర్ తెలుగు వెర్షన్ ని న్యాచురల్ స్టార్ నాని రిలీజ్ చేయడం విశేషం. స్టోన్ బెంచ్ ఫిల్మ్, ప్యాషన్ స్టూడియోస్ బ్యానర్ పై దర్సక నిర్మాత కార్తీక్ సుబ్బరాకు ఈ సినిమాను నిర్మించారు. ఇక దర్శకుడు కార్తీక్ ఈశ్వర్ ఈ సినిమాను ఆద్యంతం థ్రిల్లర్ ఎపిసోడ్స్ తో రూపొందించారు.