రియాద్:లాక్ డౌన్ దాదాపు రెండు నెలలకుపైగా నిలిచిపోయిన క్రీడలకు ఎట్టకేలకు సౌదీ ప్రభుత్వం గ్రీన్ సిగ్నల్ ఇచ్చింది. జూన్ ఒకటి నుంచి అన్ని స్పోర్ట్స్ క్లబ్స్ ట్రైనింగ్ సెషన్స్ ను ప్రారంభించుకోవచ్చని క్రీడా మంత్రిత్వ శాఖ ప్రకటించింది. కోవిడ్ 19 వ్యాప్తి నియంత్రణకు ఏర్పాటైన కమిటీతో సమన్వయం చేసుకున్నాక ఈ నిర్ణయం తీసుకున్నట్లు వెల్లడించింది. జూన్ 21నుంచి ప్రాక్టీస్ ప్రారంభించి ఆగస్ట్ 4 నుంచి క్రీడా పోటీలను ప్రారంభించొచ్చని కూడా తెలిపింది. అయితే..క్రీడా పోటీలకు ప్రేక్షకులను అనుమతించ కూడదని కూడా ఆంక్షలు విధించింది. అలాగే ప్రాక్టీస్ సమయంలో కరోనా వ్యాప్తి నియంత్రణకు తగిన చర్యలు చేపట్టాలని కూడా మంత్రిత్వ శాఖ సూచించింది.