దుబాయ్:అర్హత కలిగిన వీసాదారులు తిరిగి వచ్చేందుకు వీలుగా యూఏఈ ప్రభుత్వం ఆన్ లైన్ లో ప్రత్యేకంగా అనుమతి పత్రాలను అందుబాటులోకి తీసుకొచ్చింది. లాక్ డౌన్ తో వివిధ దేశాల్లో చిక్కుకుపోయిన యూఏఈ వీసాదారులు...తిరిగి యూఏఈ రావాలనుకుంటే ఆన్ లైన్ లో లభించే అనుమతి పత్రాల ద్వారా దరఖాస్తు చేసుకోవాల్సి ఉంటుంది. దాదాపు 2 లక్షల మంది రెసిడెన్సీ వీసాదారులు తిరిగి వస్తారని యూఏఈ అంచనా వేస్తున్న విషయం తెలిసిందే. తిరుగు ప్రయాణం కావాలనుకునే ప్రవాసీయులు beta.smartservices.ica.gov.ae వెబ్ సైట్ లో అనుమతి పత్రాల ద్వారా దరఖాస్తు చేసుకోవాలని ప్రవాస, విదేశీ వ్యవహారాల డైరెక్టర్ జనరల్ వివరించారు. అయితే..యూఏఈకి వచ్చే ప్రవాసీయులు అంతా కరోనా టెస్టులతో పాటు 14 రోజులు నిర్బంధంలో ఉండాలన్నారు.