కువైట్:కరోనా కట్టడికి కట్టుదిట్టమైన చర్యలు చేపట్టడంతో ప్రజల్లో అవగాహన కల్పిస్తున్న కొందరు మాత్రం వైరస్ ప్రమాదాన్ని తేలిగ్గా తీసుకుంటున్నారు. కరోనా నియంత్రణకు తప్పనిసరిగా నిర్బంధంలో ఉండాల్సిన 12 మంది వ్యక్తులు అందుకు విరుద్ధంగా బహిరంగ ప్రదేశాల్లో తిరుగుతున్నట్లు అధికారులు గుర్తించారు. ఇందులో 10 మంది కువైట్ కు చెందిన వారు కాగా..ఇద్దరు ప్రవాసీయులు ఉన్నారు. నిబంధనలు ఉల్లంఘించిన వారిలో ఏడుగురు గృహనిర్బంధం ఉండాల్సి ఉంది. కానీ, వారు రూల్స్ పాటించకుండా పబ్లిక్ ప్రాంతాల్లో తిరుగుతూ పట్టుబడ్డారు. మరో ఐదురుగు కర్ఫ్యూ రూల్స్ పాటించకుండా పట్టుబడ్డారు. ఇందులో ముగ్గురు కువైట్ క్యాపిటల్ లో పట్టుబడగా..ఒకరు హవల్లి, ముబారక్ అల్ కబీర్ ప్రాంతాల్లో కర్ఫ్యూ నిబంధనలను ఉల్లంఘించారు. ఈ 12 మందిపై కేసును నమోదు చేసిన అధికారులు తదుపరి న్యాయవిచారణకు తరలించారు.