ఒమన్ లో వేర్వేరుగా చోటుచేసుకున్న చోరీల కేసులలో ఆరుగురు వ్యక్తులను రాయల్ ఒమన్ పోలీసులు అరెస్ట్ చేశారు. రాయల్ ఒమన్ పోలీసులు తెలిపిన వివరాల ప్రకారం..ఉత్తర అల్ బటినా గవర్నరేట్ పరిధిలో పలు దొంగతనాలకు పాల్పడిన వ్యక్తిని అరెస్ట్ చేసినట్లు వెల్లడించారు. మరో ఘటనలో మొబైల్ స్టోర్ నుంచి మొబైల్స్ దొంగించిన ఇద్దరు వ్యక్తులను కూడా అరెస్ట్ చేశారు. ఇందులో ఓ మహిళ కూడా ఉంది. ఈ ఇద్దరిపై చోరీతో పాటు మోసానికి పాల్పడినట్లు కేసు నమోదు చేశారు. ఇదిలాఉంటే దక్షిణ అల్ షార్కియా గవర్నరేట్ పరిధిలో పశువుల చోరీకి పాల్పడుతున్న ముగ్గురు వ్యక్తులను అరెస్ట్ చేశారు. జలన్ బని బు అలీ ప్రాంతంలో 11 పశువులను ముగ్గురు నిందితులు దొంగిలించినట్లు పోలీసులు తెలిపారు.