మస్కట్:ఒమన్ రవాణా మంత్రిత్వ శాఖ ఇక నుంచి ట్యాక్సీ సర్వీసులకు సంబంధించిన రిజిస్ట్రేషన్లను మరింత సులభతరం చేసింది. ఇప్పటివరకు అందిస్తున్న ఆన్ లైన్ సేవలలో ట్యాక్సీ సర్వీస్ రిజిస్ట్రేషన్లను కూడా చేర్చింది. వచ్చే నెల 1 నుంచి ఈ ఆన్ లైన్ సేవలు అందుబాటులోకి రాబోతున్నాయి. దీంతో వెహికిల్ ఆపరేటింగ్ కార్డు, ట్యాక్సీ లైసెన్స్, కార్గో సేవలు అందించే విదేశీ వాహనాలకు అనుమతికి సంబంధించి ఇక నుంచి ఆన్ లైన్ లోనే సేవలు పొందవచ్చు. ఇందుకోసం అలాగే ట్యాక్సీ సర్వీస్ కు సంబంధించిన సేవలను సనద్ సర్వీస్ సెంటర్స్ నుంచిగానీ, వివిధ గవర్నరేట్ లోని ఒమన్ పోస్ట్ ఆఫీస్ లో కూడా పొందవచ్చని రవాణా శాఖ స్పష్టం చేసింది.