రియాద్‌: సౌదీ కస్టమ్స్, ఇ-కామర్స్‌ ట్రాన్సాక్షన్స్‌ (సౌదీ వెలుపల నుంచి ఇంపోర్ట్‌ అయ్యే గూడ్స్‌కి సంబంధించి) పై 15 శాతం వ్యాట్‌ని జులై 1 నుంచి అమలు చేయనుంది. జనరల్‌ అథారిటీ ఆఫ్‌ కస్టమ్స్ ఈ మేరకు సోషల్‌ మీడియా వేదికగా ఓ ప్రకటన చేసింది. ట్యాక్స్‌ పరిధిలోకి వచ్చే గూడ్స్‌ లేదా ఇంపోర్ట్‌ అయ్యే సర్వీసెస్‌కి ఇది వర్తిస్తుంది. ఎకానమీకి బూస్ట్‌ ఇచ్చే క్రమంలో వ్యాట్‌ని మూడు రెట్లు పెంచుతున్నట్లు ప్రకటించిన విషయం విదితమే. కాస్ట్‌ ఆఫ్‌ లివింగ్‌ అలవెన్స్‌ని కూడా ప్రభుత్వం రద్దు చేసింది. మిడిల్‌ ఈస్ట్‌లో కరోనా కారణంగా తీవ్రంగా దెబ్బ తిన్న దేశాల్లో సౌదీ అరేబియా ఒకటి. మొత్తం 178,504 కరోనా పాజిటివ్‌ కేసులు సౌదీ అరేబియాలో నమోదయ్యాయి.