యూఏఈ:విదేశాల్లో చిక్కుకుపోయిన యూఏఈ రెసిడెంట్స్‌, యూఏఈకి తిరిగొచ్చే క్రమంలో వారి వెంట తప్పనిసరిగా కోవిడ్‌19 టెస్ట్‌ చేయించుకోవాల్సి వుంటుంది. 72 గంటలలోపు తీసుకున్న కోవిడ్‌ 19 నెగెటివ్‌ టెస్ట్‌ సర్టిఫికెట్‌ వుంటే తప్ప వారిని విమానంలోకి అనుమతించరు. నేషనల్‌ ఎమర్జన్సీ క్రైసిస్‌ అండ్‌ డిజాస్టర్స్‌ మేనేజ్‌మెంట్‌ అథారిటీ, ఫెడరల్‌ అథారిటీ అండ్‌ సిటిజన్‌షిప్‌ ఫర్‌ రెసిడెంట్స్‌ ఈ మేరకు నిర్ణయం తీసుకుంది. జులై 1 నుంచి యూఏఈ రెసిడెంట్స్‌ తిరిగి యూఏఈకి వచ్చేందుకు అవకాశం కల్పిస్తున్న విషయం విదితమే. ఈ మేరకు గైడ్‌లైన్స్‌ని విడుదల చేశారు. అనుమతి పొందిన టెస్టింగ్‌ కేంద్రాల నుంచి తీసుకున్న కోవిడ్‌ 19 నెగెటివ్‌ సర్టిఫికెట్‌ మాత్రమే చెల్లుబాటవుతుంది. చెల్లుబాటయ్యే వీసా తప్పనిసరి. అనుమతి పొందిన ల్యాబ్‌ నుంచి సర్టిఫికెట్‌ తీసుకురాని పక్షంలో, యూఏఈలోకి రాగానే వారికి పరీక్షలు నిర్వహిస్తారు. వారికి 14 రోజుల హోం క్వారంటైన్‌ లేదా ఇన్‌స్టిట్యూషనల్‌ క్వారంటైన్‌ వుంటుంది.