అబుధాబి కేంద్రంగా పనిచేస్తోన్న ఎతిహాద్‌ ఎయిర్‌వేస్‌, మరో 15 డెస్టినేషన్స్‌ని వచ్చే నెలలో యాడ్‌ చేయనుంది. భారత ఉప ఖండంలో పలు ప్రముఖ నగరాల్ని ఇందులో పొందుపరిచారు. జూన్‌ 24న ఏథెన్స్‌, గ్రీస్‌లను లిస్ట్‌లో యాడ్‌ చేసిన విషయం విదితమే. ప్రస్తుతం 25 డెస్టినేషన్స్‌కి విమానాలు నడుస్తున్నాయి. కాగా, జులై 16 నుంచి భారత నగరాలైన బెంగళూరు, చెన్నయ్‌, ఢిల్లీ, హైదరాబాద్‌, కోచి, కోజికోడ్‌ మరియు ముంబైలకు విమానాలు నడపనున్నారు. జులై 16 నుంచి మాల్దీవ్‌కి కూడా విమాన సర్వీసులు నడుస్తాయి. పాకిస్తాన్‌ విషయానికొస్తే, కేవలం ఇన్‌బౌండ్‌ విమానాలు మాత్రమే మూడు పాకిస్తానీ నగరాలు ఇస్లామాబాద్‌, కరాచీ, లాహోర్‌లకు పరిమితం చేశారు. మిడిల్‌ ఈస్ట్‌లో అమ్మాన్‌ మరియు కైరోలకు జులై 16 నుంచి విమానలు నడుపుతుంది. ఎయిర్‌పోర్ట్‌కి వెళ్ళడానికంటే ముందే ప్రయాణీకులు కోవిడ్‌ 19 పరీక్ష చేయించుకోవాల్సి వుంటుంది.