మక్కా: జనరల్‌ ప్రెసిడెన్సీ ఫర్‌ ఎఫైర్స్‌ ఆఫ్‌ హోలీ మాస్క్స్‌ ప్రెసిడెంట్‌, హజ్‌ ఫిలిగ్రిమ్స్ కి సంబంధించిన ప్లాన్‌ని విడుదల చేశారు. కరోనా వైరస్‌ నేపథ్యంలో గతానికంటే భిన్నంగా ఈసారి హజ్‌ యాత్ర వుండబోతోంది. షేక్‌ డాక్టర్‌ అబ్దుల్‌ రహ్మాన్‌ అల్‌ సుదైస్‌ మాట్లాడుతూ, అత్యంత భద్రతతో హజ్‌ యాత్రికులు తమ పవిత్ర ప్రార్థనలు పూర్తి చేసుకునేలా ఏర్పాట్లు చేస్తున్నట్లు చెప్పారు. ముందస్తుగానే అన్ని రకాల అంశాల్నీ దృష్టిలో పెట్టుకుని యాక్షన్‌ ప్లాన్‌ రూపొందించామని అధికారులు వివరించారు.