యూఏఈ:రెసిడెన్సీ వీసా, ఎమిరేట్స్ ఐడీ కార్డుల జారీ, రెన్యూవల్ కు సంబంధించి కొత్త విధి విధానాలను ప్రకటించిన యూఏఈ..మార్చి, ఏప్రిల్ నెలల్లో గడువు ముగిసిన వీసాలను తక్షణమే రెన్యూవల్ చేసుకోవాలని ఆదేశించింది. ఇందుకు సంబంధించి ఫెడరల్, సిటిజన్ షిప్ ఫెడరల్ అథారిటీ వీసా రెన్యూవల్ దరఖాస్తులను ఆదివారం (జులై 12) స్వీకరిస్తున్నట్లు వెల్లడించింది. అయితే..కరోనా ప్రభావం నేపథ్యంలో ICA కేంద్రాల్లో రద్దీని నియంత్రించేందుకు దశల వారీగా రెన్యూవల్ చేస్తున్నట్లు అధికారులు వివరించారు. మేతో గడువు ముగిసే రెసిడెన్సీ వీసాలను ఆగస్టు 8 నుంచి...జూన్, జులై 11 నాటికి గడువు ముగిసే రెసిడెన్సీ వీసాలను సెప్టెంబర్ 10 నుంచి ప్రాసెస్ చేయనున్నారు. ఇక ఇప్పటికే యూఏఈలో ఉండి రెసిడెన్సీ గడువు ముగిసిన వారికి మూడు నెలల మినహాయింపు ఇచ్చిన విషయం తెలిసిందే.