దుబాయ్:30 ఏళ్ళ ఆఫ్రికన్‌ వ్యక్తి ఒకరు దుబాయ్‌ క్రిమినల్‌ కోర్టు ముందు హాజరుపర్చబడ్డారు. ఇద్దరు పోలీసులపై దాడికి పాల్పడినట్లు నిందితుడిపై అభియోగాలు మోపబడ్డాయి. నైఫ్‌ ప్రాంతంలో నిందితుడు, ఓ బ్యాంకు చుట్టూ అనుమానిత పరిస్థితుల్లో సంచరిస్తుండగా గుర్తించిన స్థానికులు, పోలీసులకు సమాచారం ఇవ్వగా, పోలీసులు నిందితుడ్ని అదుపులోకి తీసుకునేందుకు ప్రయత్నించారు. ఈ క్రమంలో నిందితుడు, పోలీసులపై దాడికి దిగాడు. ఓ దశలో నిందితుడు, పోలీస్‌ అధికారి నుంచి గన్‌ తీసుకుని కాల్చేందుకు ప్రయత్నించగా, ఆ ప్రయత్నాలు ఫలించలేదు. దాంతో, పోలీసులు గాల్లోకి హెచ్చరిక కాల్పులు జరిపి, నిందితుడ్ని అదుపులోకి తీసుకున్నారు. అతన్ని న్యాయస్థానం ముందుంచారు అధికారులు.