బహ్రెయిన్‌లో ఈ రోజు ఎమిరేట్స్‌ విమానం ఒకటి ల్యాండ్‌ అయ్యింది. బహ్రెయిన్‌ నుంచి దుబాయ్‌కి ఏడు వీక్లీ విమానాల్ని ఎమిరేట్స్‌ ఎయిర్‌లైన్స్‌ నడపనుంది. బోయింగ్‌ 777-300ఇఆర్‌ విమానాల్ని కార్గో అలాగే ప్యాసింజర్స్‌ కోసం వినియోగించనుంది. దుబాయ్‌ నుంచి పలు ఆన్‌వార్డ్‌ డెస్టినేషన్స్‌ కూడా ప్రయాణీకులు వెళ్ళేందుకు వీలుంది. ఆసియా పసిఫిక్‌, యూరోప్‌ అలాగే అమెరికాస్‌కి సంబంధించిన డెస్టినేషన్స్‌ ఈ లిస్ట్‌లో వున్నాయి. కాగా, కొన్ని దేశాల్లో ఇంకా ట్రావెల్‌ రిస్ట్రిక్షన్స్‌ కొనసాగుతున్నందున, అక్కడికి వెళ్ళేందుకు ఇంకా అనుమతులు రావాల్సి వుంది. కాగా, అన్ని జాగ్రత్తలూ తీసుకుని విమాన సర్వీసుల్ని పునరుద్ధరిస్తున్నట్లు అధికారులు పేర్కొన్నారు. మాస్క్‌లు, గ్లోవ్స్‌, హ్యాండ్‌ శానిటైజర్స్‌ అలాగే యాంటీ బాక్టీరియల్‌ వైప్స్‌ని వినియోగదారులకు విమానయాన సంస్థ అందిస్తోంది.