రియాద్‌:రియాద్‌ మునిసిపాలిటీ ఇన్‌స్పెక్షన్‌ టీమ్స్, 648 వ్యాపారాల్ని మూసివేస్తూ నిర్ణయం తీసుకున్నారు. కోవిడ్‌ 19 హెల్త్‌ ప్రోటోకాల్స్‌ని ఉల్లంఘించిన నేపథ్యంలో ఈ చర్యలు తీసుకున్నట్లు అధికారులు ట్విట్టర్‌ ద్వారా వెల్లడించారు. మొత్తం 24,000 ఇన్‌స్పెక్షన్‌ విజిట్స్‌ గత వారంలో నిర్వహించడం జరిగింది. ఈ సందర్భంగా పలు ఉల్లంఘనల్ని గుర్తించారు. స్టాఫ్‌కి డిస్‌ఇన్‌ఫెక్టెంట్స్‌ అందించడం, శానిటైజర్స్‌ ఇవ్వడం అలాగే స్టాఫ్‌కీ, వినియోగదారులకీ ప్రవేశ మార్గాల్లో టెంపరేచర్స్‌ చెక్‌ చేయడం వంటి ప్రికాషనరీ మెజర్స్‌ చేపట్టాల్సి వుంటుంది. షాపింగ్‌ ట్రాలీస్‌ని ఎప్పటికప్పుడు శానిటైజ్‌ చేయాల్సి వుంటుంది. వినియోగించిన ప్రతిసారీ శానిటైజ్‌ చేయాల్సిందే. షాప్‌ల వద్ద ఎక్కువగా జనం గుమికూడకుండా చూడాలి. ఉల్లంఘనలకు పాల్పడితే జరీమానాలు ఖచ్చితంగా విధిస్తారు. 5,000 సౌదీ రియాల్స్‌ నుంచి 100,000 సౌదీ రియాల్స్‌ వరకు జరీమానా ఎదుర్కోవాల్సి వస్తుంది ఉల్లంఘనలకు పాల్పడితే.