హాలిడే షాపింగ్‌ సీజన్‌, ఇ-మెయిల్‌ బేస్డ్‌ వైరస్‌ ఎటాక్స్‌కి వరంగా మారుతుంది. తొమ్మిది యూఏఈ వెబ్‌సైట్స్‌పై ఈ వైరస్‌ ఎటాక్స్‌ జరిగినట్లు ఫైర్‌ ఐ అనే నెట్‌వర్క్‌ సెక్యూరిటీ కంపెనీ వెల్లడించింది. జరిగిన తొమ్మిది వైరస్‌ ఎటాక్స్‌లో, నాలుగు ఫైనాన్షియల్‌ సర్వీసు కంపెనీలపైనే జరిగాయి. సెలవుల సీజన్‌లో ఒకింత అప్రమత్తత తక్కువగా ఉండే టైమ్‌ చూసి, వైరస్‌ ఎటాక్స్‌తో విరుచుకుపడుతున్నారు. డ్రైడెక్స్‌ అనే వైరస్‌ని ఇందులో ముఖ్యమైనదిగా గుర్తించారు. బ్యాంకింగ్‌ క్రెడెన్షియల్స్‌ని దొంగిలించడం, బాధితుల అకౌంట్స్‌ నుంచి డబ్బుని లాగెయ్యడం వంటివి వైరస్‌ ముఖ్యమైన కార్యకలాపాలు. అలాగే ఫేర్‌ల్ట్‌ అనే మాల్‌వేర్‌ కూడా వెబ్‌ బ్రౌజర్స్‌ నుంచి సమాచారాన్ని తస్కరిస్తోంది. ఇలాంటి వైరస్‌ ఎటాక్స్‌పై అప్రమత్తంగా ఉండాలని యాంటీ వైరస్‌ తయారీ సంస్థలు, సాఫ్ట్‌వేర్‌ రంగ నిపుణులు సూచిస్తున్నారు.