కువైట్ సిటీ:మినిస్ట్రీ ఆఫ్‌ హెల్త్‌, తమ ఉద్యోగులు పీరియాడిక్‌ లీవ్‌ కోసం అప్లయ్‌ చేసుకునేందుకు అనుమతిచ్చింది. జులై 19 నుంచి అక్టోబర్‌ 1 వరకు ఇది అందుబాటులో వుంటుంది. గత ఆరు నెలల్లో పీరియాడిక్‌ లీవ్‌ తీసుకోనివారికి ఇది వర్తిస్తుంది. కాగా, కరోనా వైరస్‌ నేపథ్యంలో మినిస్ట్రీ, పీరియాడిక్‌ లీవ్స్‌ని రద్దు చేసిన విషయం విదితమే. తాజా సర్క్యులర్‌ ప్రకారం పీరియాడిక్‌ లీవ్‌ 14 రోజులకు మించి వుండకూడదు. సెలవుల్ని దేశం వెలుపల గడపాలనుకుంటే, తగిన జాగ్రత్తలు తీసుకోవాలి. హెల్త్‌ సెక్టార్‌ వర్కర్స్‌ కోసం నిర్దేశించిన హోం క్వారంటైన్‌, టెక్నికల్‌ మేనేజ్‌మెంట్‌, పబ్లిక్‌ హెల్త్‌ రిక్వైర్‌మెంట్స్‌ తప్పనిసరి. వర్క్‌ ఫోర్స్‌లో 15 శాతానికి మించకుండా మాత్రమే ఉద్యోగులు పీరియాడిక్‌ లీవ్‌ తీసుకోవాల్సి వుంటుంది.