మస్కట్‌: వలసదారుల వర్క్‌ వీసా ఫీజు తగ్గింపుకి సంబంధించి సోషల్‌ మీడియాలో కన్పిస్తోన్న కథనాలపై గవర్నమెంట్‌ కమ్యూనికేషన్‌ సెంటర్‌ ఓ ప్రకటన జారీ చేసింది. ఈ తగ్గింపు కొన్ని కేటగిరీలకు మాత్రమే వర్తిస్తుందని అన్నారు. వలసదారుల వర్క్‌ ఫోర్స్‌ కార్డులకు సంబంధించి రెన్యువల్‌ ఫీజుని 301 ఒమన్‌ రియాల్స్‌ నుంచి 201 ఒమన్‌ రియాల్స్‌కి తగ్గిస్తూ నిర్ణయం తీసుకున్నారు. ఒమనీయుల సంఖ్యతో సంబంధం లేకుండా నేషనల్‌ వర్క్‌ ఫోర్స్‌ కలిగిన ఇన్‌స్టిట్యూషన్స్‌, కంపెనీలు అలాగే, పబ్లిక్‌ అథారిటీ ఫర్‌ సోషల్‌ ఇన్స్యూరెన్స్‌ వద్ద ఎంప్లాయర్స్‌గా రిజిస్టర్‌ అయిన ఎస్‌ంఇలకు సంబంధించి ఇది వర్తిస్తుందని గవర్నమెంట్‌ కమ్యూనికేషన్‌ సెంటర్‌ పేర్కొంది.