కువైట్ సిటీ:మినిస్ట్రీ ఆఫ్‌ హెల్త్‌ - చైల్డ్‌ రైట్స్‌ ప్రొటెక్షన్‌ కార్యాలయం హెడ్‌ డాక్టర్‌ మోనా అల్‌ ఖ్వారి మాట్లాడుతూ, తమ పిల్లలకు వ్యాక్సినేషన్‌ వేయించడాన్ని నిరాకరించిన పేరెంట్స్‌కి క్రిమినల్‌ పనిష్‌మెంట్‌ తప్పదని హెచ్చరించారు. ఈ మేరకు స్పష్టమైన ఇన్‌స్ట్రక్షన్స్‌ సంబంధిత మెడికల్‌ అథారిటీస్‌కి జారీ చేశారు. పిల్లలకు వ్యాక్సినేషన్‌ చేయించడం తల్లిదండ్రుల బాధ్యత అని డాక్టర్‌ మోనా చెప్పారు. చైల్డ్‌ ప్రొటెక్షన్‌ చట్టం 2015/ 2015 ఆర్టికల్‌ 83 ప్రకారం ఆరు నెలలకు మించకుండా జైలు శిక్ష, 1000 దినార్స్‌కి మించకుండా జరీమానా ఉల్లంఘనులకు విధించడం జరుగుతుందని చెప్పారు. కొందరు తల్లిదండ్రులు తమ పిల్లలకు వ్యాక్సినేషన్‌ వేయించకుండా వుంటున్నారన్న విషయం తమ దృష్టికి వచ్చిందని ఆమె వివరించారు.