పాపాయి
- July 25, 2020పాపాయి
చిట్టి చిట్టి పాపాయి చిన్నారీ నేవోయి
చిరుమందహాసాల చిరునామా నీదేను
నినుజూసి మనసంతా హాయిగొలుపు రోజంతా
అసమానపు సిరులన్నీ మూటగట్టి తెచ్చేవు
నీ నవ్వుల పువ్వులకు వెలలేదీలోకంలో
నీ చూపుల అనురాగం నింపేనే మమకారం
నీ ఒలికే రాగాలు సాటిరాని సరికిగమలు
నీ చిలిపి చేష్టలు మరపురాని మధురిమలు
మౌనంగా మాట్లాడీ అందరినీ దరిచేర్చే
చిట్టితల్లి నీవమ్మా చిన్నారీ నీవమ్మా
ఈ సృష్టికి లోకంలో నీవేకదా చిరునామా
ఏమిస్తే నీరుణము తీరుతుంది చెప్పమ్మా
ఈ ఇలలోన వెలలేదు నీవు గొలుపు హాయికి
ముత్యంలాంటి నీ నవ్వే మాకిచ్చే ఆభరణం
కలలన్నీ మావైతే కళల రూపం నీవేలే
తలిదండ్రుల నోములకు ప్రతిరూపం నీవమ్మా
మా ఆశల ప్రతిరూపం నీవేకదా పాపాయి
రాబోయే రోజుల్లో జగమంతా గెలవాలి
ఇదేకదా నీవిచ్చే మా శ్రమలకు ప్రతిఫలము
మా మంచి పాపాయి మము మరచి పోదోయి
--సోమసుందర్ ఎస్.పీ(షార్జా,యూ.ఏ.ఈ)
తాజా వార్తలు
- విద్యార్థిగా గోల్డెన్ వీసా కోసం ఎలా దరఖాస్తు చేయాలి?
- వికలాంగులకు BD1.2 మిలియన్ల వార్షిక సహాయ నిధి
- ఈజిప్టులో నేరం.. కువైట్లో నిందితుడి అరెస్ట్
- సౌదీ సాయంతో పట్టుబడ్డ 47 కిలోల కొకైన్
- OMR30.6 బిలియన్లు దాటిన క్రెడిట్ బ్యాలెన్స్
- యూఏఈలో CSI చర్చి.. ఫస్ట్ లుక్ ఔట్
- ఏపీలో భానుడి విశ్వరూపం, బెంబేలెత్తిపోతున్న జనం
- వైసీపీ మేనిఫెస్టో ఫై ప్రశ్నల అస్త్రాలను సంధిస్తున్న నెటిజన్లు
- ఎన్నికల ప్రచారంలో హీరో వెంకటేశ్..?!!
- ఖతార్ విమానయాన రంగం.. అద్భుతమైన వృద్ధి..!