కువైట్ సిటీ:కువైట్‌ డైరెక్టరేట్‌ జనరల్‌ ఆఫ్‌ సివిల్‌ ఏవియేషన్‌ (DGCA), కొత్త అప్లికేషన్‌ని ప్రయాణీకులకు సాయపడేందుకోసం ఏర్పాటు చేసింది. వచ్చే నెల నుంచి కమర్షియల్‌ విమానాల రాకపోకలు ప్రారంభం కానున్న దరిమిలా ఈ యాప్‌ ప్రయాణీకులకు ఎంతగానో ఉపయోగపడనుంది. డిజిసిఎ, మినిస్ట్రీ ఆఫ్‌ హెల్త్‌ అలాగే మినిస్ట్రీ ఆఫ్‌ ఇంటీరియర్‌ ఆమోదించిన గైడ్‌లైన్స్‌కి అనుగుణంగా ఈ అప్లికేషన్‌ పనిచేస్తుంది. కోవిడ్‌19 ప్రికాషన్స్‌ని అమలు చేస్తూ, ప్రయాణీకులకు వచ్చే నెల నుంచి కువైట్‌ విమానాశ్రయాలు సౌకర్యాలు అందించనున్నాయి. కాగా, ప్రయాణీకుల ఆరోగ్యం, ఎయిర్‌పోర్టు సిబ్బంది ఆరోగ్యం అలాగే సేఫ్టీ ప్రొసిడ్యూర్స్‌ పట్ల అవగాహన పెంచడం అనే మూడు ఉద్దేశ్యాలతో ప్రత్యేకంగా యాప్‌ని రూపొందించారు. ప్రయాణీకులంతా ఇంగ్లీషు మరియు అరబిక్‌లలో లభ్యమయ్యే యాప్‌లో రిజిస్టర్‌ చేసుకోవాల్సి వుంటుంది.

--దివాకర్(మాగల్ఫ్ ప్రతినిధి,కువైట్)