కువైట్ సిటీ:పబ్లిక్‌ అథారిటీ ఫర్‌ సివిల్‌ ఇన్ఫర్మేషన్‌ పిఎసిఐ 30,000 కొత్త కార్డుల్ని కార్డ్‌ డెలివరీ డివైజెస్‌లో సిద్ధం చేసినట్లు పబ్లిక్‌ రిలేషన్స్‌ అండ్‌ ఇన్పర్మేషన్‌ డిపార్ట్‌మెంట్‌ డైరెక్టర్‌ అహ్మద్‌ అల్‌ సబర్‌ చెప్పారు. 150,000 కార్డులు ఆటోమేటిక్‌ వెండింగ్‌ మెషీన్ల ద్వారా పంపిణీకి సిద్ధం చేసినట్లు పేర్కొన్నారు. పెద్ద సంఖ్యలో విజిటర్స్‌, కార్డుల్ని తీసుకునేందుకు ముందస్తు అపాయింట్‌మెంట్‌ లేకుండా వస్తున్నారని అధికారులు పేర్కొన్నారు. ప్రస్తుతం ఆ సమస్యను పరిష్కరించినట్లు కూడా పేర్కొన్నారు. కాగా, పిఎసిఐ 500 నుంచి 600 వరకు అపాయింట్‌మెంట్ల సంఖ్యను పెంచడం జరిగింది. విజిటర్స్‌ ముందుగా అపాయింట్‌మెంట్లు తీసుకుని రావాలని అధికారులు సూచించారు.