బహ్రెయిన్: ‘యువర్‌ సేఫ్టీ ఇన్‌ సమ్మర్‌’ పేరుతో క్యాంపెయిన్‌ని సదరన్‌ గవర్నరేట్‌ చేపడుతోంది. సదరన్‌ గవర్నర్‌ షేక్‌ ఖలీఫా బిన్‌ అలీ బిన్‌ ఖలీఫా అల్‌ ఖలీఫా నాయకత్వంలో ఈ కార్యక్రమాన్ని చేపడుతున్నారు. సెక్యూరిటీ కమిటీ రికమండేషన్స్‌కి అనుగుణంగా ఈ క్యాంపెయిన్‌ని నిర్వహిస్తున్నారు. సమ్మర్‌ సీజన్‌ నేపథ్యంలో సిటిజన్స్‌ అలాగే రెసిడెన్స్‌ సేఫ్టీకి సంబంధించి ఈ కార్యక్రమాన్ని చేపడుతున్నట్లు అధికారులు పేర్కొన్నారు. సదరన్‌ గవర్నరేట్‌ పోలీస్‌ డిపార్ట్‌మెంట్‌, మినిస్ట్రీ ఆఫ్‌ ఇంటీరియర్‌ సెక్యూరిటీ డిపార్ట్‌మెంట్స్‌ సహాయ సహకారాలతో ఈ క్యాంపెయిన్‌ చేపడుతున్నట్లు వివరించారు. అధికారుల బృందం, అవేర్‌నెస్‌ టూర్‌ని ఇప్పటికే నిర్వహించింది. సమ్మర్‌ నేపథ్యంలో తీసుకోవాల్సిన జాగ్రత్తల్ని పేర్కొంటూ ఫ్లయర్స్‌ని పంపిణీ చేశారు. చల్లటి నీళ్ళు, జ్యూస్‌లను పలువురు కార్మికులకు అందించడం జరిగింది. సమ్మర్‌ నేపథ్యంలో ఎక్కువగా ఫ్లూయిడ్స్‌ తీసుకోవాల్సి వుంటుంది.