మస్కట్:నవంబర్‌ 1 నుంచి కొత్త అకడమిక్‌ ఇయర్‌ ప్రారంభమవుతుందని ఒమన్‌ వెల్లడించింది. కోవిడ్‌ 19 స్టేట్‌ సుప్రీం కమిటీ ఈ మేరకు గురువారం సమావేశమై నిర్ణయం తీసుకుంది. మొత్తం 180 రోజుల స్టడీ డేస్‌తో ఈ క్యాలెండర్‌ని సిద్ధం చేశారు. టీచింగ్‌ స్టాఫ్‌, సంబంధిత ఉద్యోగాలకు సంబంధించిన వర్కర్స్‌, సెప్టెంబర్‌ 27 నుంచి విధులకు హాజరు కావాల్సి వుంటుంది. సంప్రదాయ క్లాసులతోపాటు ఇ-లెర్నింగ్‌ విధానానికి ప్రాముఖ్యతనివ్వాల్సిందిగా ప్యానెల్‌ నిర్ణయం తీసుకుంది. ఎడ్యుకేషన్‌ మినిస్ట్రీ సూచించిన మేరకు నిబంధనల్ని పాటించాల్సి వుంటుంది. కాగా, ఆగస్ట్‌ 7న ఒమన్‌, రెండు వారా లాక్‌డౌన్‌ని ఎత్తివేసిన విషయం విదితమే. రాత్రి వేళల్లో కర్‌ఫ్యూని శనివారం నుంచి తగ్గించారు.