గానగంధర్వ ఎస్పీ బాలసుబ్రహ్మణ్యం ఆరోగ్యంపై ఆయన తనయుడు ఎస్పీ చరణ్ తాజాగా ఓ వీడియోను విడుదల చేశారు. నాన్న ఆరోగ్యం ఇంకా విషమంగానే ఉందని చరణ్ అన్నారు. ఆయన ఆరోగ్య పరిస్థితిలో ఎలాంటి మార్పు లేదని భావోద్వేగానికి గురయ్యారు. మీ ప్రార్థనలు తప్పకుండ నాన్నని తప్పకుండా బతికిస్తాయని చరణ్ తెలిపారు. ”సినీ పరిశ్రమకి చెందిన ప్రముఖులు ఈ రోజు నాన్న కోసం ప్రత్యేక ప్రార్ధనలు చేస్తున్నారు. వారందరికీ మా కుటుంబం ఎప్పటికీ రుణపడి ఉంటుంది. నాన్న ఆరోగ్యం గురించి చెప్పడానికి మాటలు రావడం లేదు. మేము ధైర్యంగా ఉన్నాం. భగవంతుడు ఉన్నాడు. నాన్నని కాపాడుతాడు” అంటూ చరణ్ వీడియోను విడుదల చేశారు. కాగా కరోనా సోకడంతో ఎస్పీబీ ఆసుపత్రిలో చేరిన విషయం తెలిసిందే.

Latest update about #SPBalasubramanyam gari health by #SPCharan #GetWellSoonSPB pic.twitter.com/Agu8N0xrvp

— BARaju (@baraju_SuperHit) August 20, 2020