కువైట్ సిటీ:కువైట్‌లో భారత రాయబారి సిబి జార్జి, జిలీబ్‌లోని పాస్‌పోర్ట్‌ ఔట్‌సోర్సింగ్‌ సెంటర్స్‌లో ఆకస్మిక పర్యటన చేశారు. కమ్యూనిటీ మెంబర్స్‌తో సమావేశమైన ఆయన, అక్కడి సమస్యలపై అడిగి తెలుసుకున్నారు. అక్కడ అందుతున్న సేవల్ని పరిశీలించారు. పాస్‌పోర్ట్‌ సంబంధిత వ్యవహారాలని అక్కడి సిబ్బందిని అడిగి తెలుసుకున్నారు. గత వారంలో జరిగిన ఓపెన్‌ హౌస్‌ మీటింగ్‌, కమ్యూనిటీ అసోసియేషన్స్‌ నేపథ్యంలో పాస్‌పోర్ట్‌ సంబంధిత సమస్యలు కొన్ని తెరపైకి వచ్చాయి. ఈ నేపథ్యంలో రాయబారి శిబి జార్జి, ఆయా అంశాలపై పరిశీలించి తగు చర్యలు తీసుకుంటానని స్వయంగా హామీ ఇచ్చారు. సమస్యల పరిష్కారం పట్ల ఇది ఆహ్వానించదగ్గ ముందడుగు అని శిబి జార్జి పర్యటనపై ఇండియన్‌ కమ్యూనిటీ అభిప్రాయపడింది.