కువైట్ సిటీ:డైరెక్టరేట్‌ ఆఫ్‌ సివిల్‌ ఏవియేషన్‌ - కువైట్‌, ప్రయాణీకులు మాత్రమే కువైట్‌ అంతర్జాతీయ విమానాశ్రయంలోకి ప్రవేశించడానికి వీలు కల్పిస్తున్నామనీ, ప్రయాణీకులకు సహాయకులుగా వచ్చేవారికి అనుమతి లేదని స్పష్టం చేసింది. ప్రయాణీకుల్ని పంపించేందుకు, వారిని రిసీవ్‌ చేసుకునేందుకు వచ్చేవారికి ఎయిర్‌పోర్ట్‌లోకి అనుమతించబోమని డైరెక్టరేట్‌ జనరల్‌ ఆఫ్‌ సివిల్‌ ఏవియేషన్‌ తేల్చి చెప్పింది. హెల్త్‌ అథారిటీస్‌ చేసిన సూచనల మేరకు ఈ నిర్ణయం తీసుకున్నట్లు అధికారులు పేర్కొన్నారు. ఎయిర్‌ పోర్ట్‌ లోపల ఎక్కువ జనం గుమికూడకుండా వుండేందుకు తీసుకున్న ఈ నిర్ణయానికి అనుగుణంగా ప్రతి ఒక్కరూ వ్యవహరించాల్సి వుంటుంది.