యూఏఈ: రెండేళ్ళ రిజిస్ట్రేషన్‌ లైసెన్స్‌ (ముల్కియా), కొత్త లైట్‌ వెహికిల్స్‌ కోసం అమల్లోకి వచ్చింది షార్జాలో. ఈ మేరకు అథారిటీస్‌ ఓ ప్రకటన చేశాయి. వాహనాలు అలాగే డ్రైవర్స్‌ లైసెన్సింగ్‌ డిపార్ట్‌మెంట్‌ - షార్జా పోలీస్‌ వెల్లడించిన వివరాల ప్రకారం, రెండేళ్ళ ఓనర్‌షిప్‌ రిజిస్ట్రేషన్‌ లైసెన్స్‌, చెల్లుబాటయ్యే ఇన్స్యూరెన్స్‌కి అనుగుణంగా జారీ చేయబడుతుంది. హై క్వాలిటీ పోలీస్‌ సర్వీసెస్‌లో భాగంగా ఈ కొత్త విధానాన్ని అందుబాటులోకి తెచ్చారు. షార్జా పోలీస్‌ కమాండర్‌ ఇన్‌ చీఫ్‌ మేజర్‌ జనరల్‌ సైఫ్‌ అల్‌ అల్‌ షామ్సి మాట్లాడుతూ, సర్వీసుల అప్‌గ్రేడేషన్‌ కోసం మెరుగైన విధానాల్ని అవలంబిస్తున్నామని చెప్పారు. ఈ కొత్త విధానాన్ని అందిపుచ్చుకోవడానికి వాహనదారులు ఇన్సూరెన్స్‌ డిపార్ట్‌మెంట్‌ నుంచి చెల్లుబాటయ్యే సర్టిఫికెట్‌ని సమర్పించాల్సి వుంటుందని వెహికిల్స్‌ అండ్‌ డ్రైవర్స్‌ లైసెన్సింగ్‌ డిపార్ట్‌మెంట్‌ డైరెక్టర్‌ లెఫ్టినెంట్‌ కల్నల్‌ ఖాలెద్‌ అల్‌ కాయి చెప్పారు. ఈ విధానం ‘ఆప్షనల్‌’ అని అధికారులు పేర్కొన్నారు.