హైదరాబాద్:విదేశాల నుంచి వచ్చే ప్రయాణీకులకు 14 రోజుల హోం క్వారంటైన్‌ తప్పనిసరి అని పేర్కొంది జీఎంఆర్‌. హైదరాబాద్ రాజీవ్‌గాంధీ ఇంటర్నేషనల్‌ ఎయిర్‌ పోర్ట్‌ ద్వారా వచ్చే ప్రయాణీకులకు సంబంధించి క్వారంటైన్‌ గైడ్‌ లైన్స్‌ని విడుదల చేశారు. ప్రయాణీకులు 96 గంటల ముందుగా తీసుకున్న ఆర్‌టి-పిసిఆర్‌ టెస్ట్‌ రిపోర్ట్‌ని తమ వెంట తీసుకురావాల్సి వస్తుంది. ప్రెగ్నెన్సీ, కుటుంబంలో ఎవరైనా చనిపోయిన కారణంగా వస్తున్నా, తల్లిదండ్రులకు అనారోగ్యం, 10 ఏళ్ళలోపు పిల్లలకు సంబంధించి అవసరమైన డాక్యుమెంట్లు తప్పనిసరి. బిజినెస్‌ రీజన్స్‌తో వచ్చేవారు ఆర్‌టి-పిసిఆర్‌ టెస్ట్‌ నెగెటివ్‌ రిపోర్ట్‌ని 96 గంటలకు ముందుగా తీసుకున్నది తమ వెంట తీసుకువస్తే, అలాంటివారికి క్వారంటైన్‌ వుండదు. కానీ, వీరు 4 రోజుల్లోగా తిరుగు ప్రయాణమవ్వాలి.  అందుకు సంబంధించిన కన్‌ఫర్మ్‌డ్‌ రిటర్న్‌ టికెట్‌ కూడా చూపించాలి. పైన పేర్కొన్న కేటగిరీలోకి రాని మిగతా ప్రయాణీకులు ఏడు రోజుల ఇన్‌స్టిట్యూషనల్‌ క్వారంటైన్‌ అలాగే ఏడు రోజుల హోం క్వారంటైన్‌ తప్పక పాటించాల్సి వుంటుంది.