ఈ నెల 5న అమేజాన్ ప్రైమ్‌లో `వి` సినిమా విడుదల కాబోతోంది. మరో నెల రోజుల తర్వాత సూర్య నటించిన `ఆకాశమే నీ హద్దురా` సినిమా రిలీజ్ అవుతోంది. ఆ తర్వాత మరో రెండు మూడు వారాలకు `నిశ్శబ్దం` ప్రేక్షకుల ముందుకు రాబోతున్నట్టు సమాచారం. మరోవైపు కీర్తి సురేష్ `మిస్ ఇండియా` కూడా విడుదలకు సిద్ధమవుతోంది. 

థియేటర్ల కోసం చాలా కాలం వెయిట్ చేసిన `నిశ్శబ్దం` సినిమా ఓటీటీ ఎంట్రీ దాదాపు ఫిక్స్ అయిపోయింది. అమేజాన్ ప్రైమ్‌లో ఈ సినిమా విడుదల కాబోతోంది. చాలా కాలం తర్వాత అనుష్క నటించిన సినిమా కావడంతో ఈ సినిమాకు దక్షిణాదివ్యాప్తంగా మంచి క్రేజ్ ఉంది. దీంతో ఓటీటీ నుంచి చిత్రబృందానికి మంచి ఆఫరే వచ్చినట్టు తెలుస్తోంది.