కతార్: మినిస్ట్రీ ఆఫ్‌ ఇంటీరియర్‌ - జనరల్‌ డైరెక్టరేట్‌ ఆఫ్‌ డ్రగ్‌ ఎన్‌ఫోర్స్‌మెంట్‌, 29 కిలోగ్రాముల హాషిష్‌ అలాగే 10.2 కిలోగ్రాముల మెథాంపెటమైన్‌ని స్వాధీనం చేసుకుని, ముగ్గురు ఆసియా జాతీయుల్ని అరెస్ట్‌ చేసినట్లు ప్రకటించింది. స్మగ్లింగ్‌కి సంబంధించిన సమాచారం అందడంతో డైరెక్టరేట్‌ వెంటనే ఇన్వెస్టిగేషన్‌ ప్రారంభించి నిందితుల్ని అరెస్ట్‌ చేసి, డ్రగ్స్‌ని స్వాధీనం చేసుకోవడం జరిగింది. పబ్లిక్‌ ప్రాసిక్యూషన్‌ నుంచి అనుమతి పొందిన వెంటనే నిందితుల్ని అరెస్ట్‌ చేశారు. తదుపరి చట్టపరమైన చర్యల నిమిత్తం సంబంధిత అథారిటీస్‌కి నిందితుల్ని అప్పగించారు.