ఒమాన్: 170కి పైగా ఒమనీ నర్సులు, హెల్త్‌ ఇన్‌స్టిట్యూషన్స్‌లో తమ బాధ్యతల నిర్వహణను ప్రారంభించారు. మినిస్ట్రీ ఆఫ్‌ హెల్త్‌కి సంబంధించిన హెల్త్‌ ఇన్‌స్టిట్యూషన్స్‌లో ఇప్పటిదాకా నర్సులుగా పనిచేస్తోన్న వలసదారుల స్థానంలో ఈ ఎంపికలు జరిగాయి. వలసదారులు పనిచేస్తోన్న వివిధ శాఖల్లో, వారి స్థానంలో స్థానికులకు అవకాశం కల్పిస్తున్న విషయం విదితమే. సోహర్‌ హాస్పిటల్‌లో 62 మంది, సలాలాలోని సుల్తాన్‌ కబూస్‌ ఆసుపత్రిలో 36 మంది, ఇబ్రా ఆసుపత్రిలో 32 మంది, బని బు అలి హాస్పిటల్‌లో 18 మంది, సుర్‌ ఆసుపత్రిలో 8 మంది, కసబ్‌ ఆసుపత్రిలో 5 మంది, అల్‌ బురైమి ఆసుపత్రిలో ఇద్దరు, హైమా ఆసుపత్రిలో ఒక నర్స్‌ నియామకం జరిగింది.