మనామా:బహ్రెయిన్‌ కోర్ట్‌, ఇద్దరు వ్యక్తుల అప్పీల్‌ని కొట్టి పారేసింద. నిందితులు, హ్యామన్‌ ట్రాఫికింగ్‌ కేసులో అరెస్ట్‌ అయ్యారు. నిందితులకు 2,000 బహ్రెయినీ దినార్స్‌ జరీమానా, రెండేళ్ళ జైలు శిక్ష విధించడం జరిగింది. నిందితులతోపాటు ఓ మహిళకూ న్యాయస్థానం శిక్షలు ఖరారు చేసింది. కాగా, నిందితుల్లో ఇద్దరు వలసదారులు కాగా, ఈ ఇద్దరూ తమపై న్యాయస్థానం విధించిన శిక్షను పై కోర్టులో అప్పీల్‌ చేశారు. వారి అప్పీల్‌ని న్యాయస్థానం తిరస్కరించింది. ఫేక్‌ జాబ్‌ ఆఫర్స్‌తో వీరు ఇతరుల్ని మోసం చేసినట్లు గుర్తించారు. ఓ అపార్ట్‌మెంట్‌ని అద్దెకు తీసుకుని, అక్కడ అక్రమ కార్యకలాపాలకు పాల్పడుతున్నారు. ఈ నిమిత్తం ఫేక్‌ జాబ్‌ లెటర్స్‌తో బహ్రెయిన్‌కి మహిళల్ని తీసుకొస్తున్నట్లు పోలీసులు వివరించారు.