అబుధాబి:అబుధాబి పోలీస్‌, ముగ్గురు వ్యక్తులు నిబంధనలకు విరుద్ధంగా వెడ్డింగ్‌ పార్టీ నిర్వహించారంటూ ఎమర్జన్సీ, క్రైసిస్‌ మరియు డిజాస్టర్‌ ప్రాసిక్యూషన్‌కి వారిని అప్పగించడం జరిగింది. కరోనా నేపథ్యంలో వెడ్డింగ్‌ ఫంక్షన్స్‌, ఇతర ఫంక్షన్లకు సంబంధించి ఖచ్చితమైన నిబంధనలు అమల్లో వున్న విషయం విదితమే. పెళ్ళి కొడుకు, అతని తండ్రి, పెళ్ళికూతురు తండ్రిని ప్రాసిక్యూషన్‌కి అప్పగించారు. ఈ కార్యక్రమానికి హాజరైనవారిపైనా చట్టపరమైన చర్యలు తీసుకుంటారు. ఆర్గనైజ్‌ చేసినవారికి 10,000 అరబ్‌ ఎమిరేట్స్‌ దినార్స్‌ జరీమానా విధిస్తారు. గెస్ట్‌లకు ఒక్కొక్కరికి 5,000 అరబ్‌ ఎమిరేట్‌ దినార్స్‌ జరీమానా విధించనున్నారు.