అబుధాబి:అబుధాబిలోకి ఇతర ఎమిరేట్స్‌ నుంచి వచ్చేవారు, తప్పనిసరిగా పోలీస్‌ మరియు ఇతర అథారిటీస్‌ సూచన మేరకు తగిన నిబంధనలు పాటించాల్సి వుంటుంది. చెక్‌ పాయింట్స్‌ వద్ద ట్రాఫిక్‌ సమస్యలు లేకుండా, ట్రావెలర్స్‌ తమతోపాటు ఎమిరేట్స్‌ ఐడీ అలాగే కోవిడ్‌ క్లియరెన్స్‌ సర్టిఫికెట్‌ తెచ్చుకుంటే సులభంగా అబుధాబిలో ప్రవేశించవచ్చునని అధికారుఉల సూచిస్తున్నారు. మాస్క్‌ ధరించాలని ఈ సందర్భంగా అధికారులు వాహనదారులకు సూచిస్తున్నారు. డ్రైవర్‌తో కలిపి ఓ వాహనంలో ముగ్గురు మాత్రమే ప్రయాణించాల్సి వుంటుంది. చెక్‌ పాయింట్స్‌ వద్ద ఎంపిక చేసిన లేన్లలో మాత్రమే వాహనాలు నడపాలి. ఆయా వాహనాలకు సంబంధించి వేర్వేరు సైన్‌ బోర్డ్స్‌ని ఆయా లేన్స్‌ నిమిత్తం ఏర్పాటు చేయడం జరిగింది. అత్యవసర వాహనాలకు రెడ్‌ కలర్‌, హెవీ వెహికిల్స్‌కి బ్లూ కలర్‌, ఎమిరేట్‌లో ప్రవేశం కోసం అనుమతి పొందిన వాహనాలకు గ్రీన్‌ లేన్లు కేటాయించారు.